व्यवसाय

पुण्यात एक धक्कादायक प्रकार समोर आला आहे. बुधवार पेठेत वेश्यागमनसाठी जाणाऱ्या लोकांचा पाठलाग करत ऑनलाइन पैसे उकळायचे. या टोळीच्या पोलिसांनी मुसक्या आवळल्या आहेत. पुण्यातील नांदेड सिटी पोलिस स्टेशनच्या हद्दीत ही घटना घडली आहे. दोन आरोपींना नांदेड सिटी पोलिसांनी अटक केली आहे. आयुष राजू चौगुले, सदफ पठाण असं अटक करण्यात आलेल्या आरोपींचे नावे आहेत. बुधवार पेठेत वेश्यागमनासाठी जाणाऱ्या लोकांचा पाठलाग करत त्यांच्या घरापर्यंत जात पैसे उकळत असल्याचा प्रकार समोर आला होता. दोन जणांनी फिर्याद दिली होती. या प्रकरणातील आरोपी असणारे दोघे जण हे फिर्यादी बुधवार पेठेत गेले असता त्याचा पाठलाग करत त्याच्या घरापर्यंत आले आणि तुम्ही आमच्याकडून 20000 रुपये ऑनलाइन देतो म्हणून आमच्याकडे कॅश घेतल्याची बतावणी करत पैसे द्या अन्यथा आम्ही तुमची बदनामी करू अशी धमकी दिली होती. आम्हाला पैसे द्या अन्यथा बुधवार पेठेत गेला होतात, अशी तुमची बदनामी करू असं फिर्यादीला धमकावले होते. आरोपींनी एवढ्यावरच न थांबता पोलीस हेल्पलाइन 112 या नंबरवर कॉल केला आणि पोलिसांत तक्रार द्यायला सुरुवात केली की यांनी आमच्याकडून वीस हजार रुपये घेऊन आमची फसवणूक केली आहे. त्यानंतर नांदेड सिटी पोलीसांनी घटनास्थळी दाखल होऊन या सगळ्या प्रकरणाची शहानिशा केली त्यानंतर पोलिसांच्या लक्षात आलं की हे दोन आरोपी अशा पद्धतीनं फिर्यादीची फसवणूक करत आहेत त्यानंतर या दोन्ही आरोपींना नांदेड सिटी पोलिसांनी अटक केली आहे. पुण्यात भरदिवसा 50 लाखांची जबरी चोरी पुण्यातील आंबेगाव पठार परिसरात 50 लाख रुपयांची रोकड असलेली बॅग हिसकावल्याचा धक्कादायक प्रकार घडला आहे. थार गाडीतून आलेल्या दोघांनी भरदिवसा ही जबरी चोरी केली आहे. चोरीचा संपूर्ण प्रकार सीसीटीव्ही कॅमेऱ्यात कैद झाला आहे. धाराशिव येथील अभिजीत पवार आणि मंगेश ढोणे हे दोघे पुण्यात व्यवहारासाठी आले होते. बाबजी पेट्रोल पंपाजवळ पायी जात असताना, काळ्या रंगाच्या थार गाडीतून आलेल्या दोघांनी ढोणे यांच्या हातातील रोकड असलेली बॅग हिसकावून नवले पुलाच्या दिशेने पलायन केले. घटनेची माहिती मिळताच पोलिसांची गुन्हे शाखा घटनास्थळी दाखल झाली असून, आंबेगाव पोलीस ठाण्यात गुन्हा दाखल करण्यात आला आहे.

व्यवसाय

शौचाला बसलेल्या व्यक्तीचा 18 व्या मजल्यावरुन पडून मृत्यू, मुंबईतील हादरवणारी घटना

indianewsnet

July 16, 2025

मुंबईत एक धक्कादायक घटना समोर आली आहे. जुलाब झालेल्या एका…

व्यवसाय

ससून डॉकच्या समुद्रात सापडलेल्या मृतदेहाचे गूढ समोर, 4 वर्षांच्या चिमुकलीला तिच्याच…

indianewsnet

July 16, 2025

अॅटॉप हिलमधून बेपत्ता झालेल्या चार वर्षाच्या चिमुरडीचा मंगळवारी सकाळी ससून डॉक येथील समुद्रात मृतदेह आढळल्याने खळबळ उडाली आहे. सावत्र वडिलांनीच मुलीची हत्या करून तिला समुद्रात फेकल्याचा संशय असून पोलिसांकडून तपास सुरू आहे. अमायरा असे मृत मुलीचे नाव असून ती आई नाझियासोबत अॅटॉप हिलच्या राजीव गांधीनगरातील बंगालीपुरा येथे राहण्यास होती. दोन वेळा लग्न मोडल्यानंतर नाझियाने नुकतेच इम्रान ऊर्फ इम्मू या तरुणाशी लग्न केले होते. सोमवारी रात्री उशिरापर्यंत अमायरा घरी न परतल्याने तिचा शोध सुरू केला. अखेर तिचा कुठेच थांगपत्ता न लागल्याने आईने सोमवारी रात्री अँटॉप हिल पोलिसांत तक्रार दिली. अमायराचा शोध सुरू असताना, मंगळवारी सकाळी साडेआठच्या सुमारास ससून डॉकजवळील समुद्रात मासेमारी करणाऱ्या गोपी धनू नावाच्या मच्छीमाराला अमायराचा मृतदेह आढळला. त्याने मृतदेहबाहेर काढून कुलाबा पोलिसांना याबाबत कळविले. पोलिसांनी मृतदेह ताब्यात घेत पुढील तपास सुरू केला. पोलिसांनी अमायराच्या सावत्र वडिलांना ताब्यात घेतलं आहे. अमायरा लवकर झोपत नव्हती. शिवाय सतत मोबाइल मागत होती. त्याच रागातून हत्या केल्याची माहिती समोर येत आहे. पोलिसांनी इम्रानला ताब्यात घेतले असून चौकशी सुरू असल्याचे पोलिसांनी सांगितले. सोमवारी रात्री सावत्र वडील इम्रानसोबत अमीराला बघितले होते. अमायरा हरवल्याची तक्रार दिल्यानंतर तोही बेपत्ता झाला. त्याचा फोनही बंद लगत असल्याने त्याच्यावरचा संशय आणखी बळावला आहे. याप्रकरणी पोलिसांनी इम्रानला ताब्यात घेतले असून. तांत्रिक माहितीबरोबरच परिसरातील सीसीटीव्ही तपासण्यात येत आहेत. इम्राननेच अमायराची हत्या करून तिला समुद्रात फेकल्याचा संशय पोलिसांना आहे. गुन्हे शाखाही याचा समांतर तपास करत आहे. दरन्यान, सुरुवातीला पोलिसांनी मृतदेह शवचिकित्सेसाठी जेजे रुग्णालयात पाठविला होता. याप्रकरणी अपघाती मृत्यूची नोंद करत ओळख पटविण्यासाठी या चिमुकलीच्या मृतदेहाची छायाचित्रे मुंबईसह विविध पोलिस ठाण्यांना पाठवून तपास सुरू केला. मंगळवारी सकाळी अॅटॉप हिल पोलिसांना याबाबत माहिती मिळताच अमायराचा शोध थांबला. या घटनेने तिच्या आईला धक्का बसला आहे. तिचा मृत्यू नेमका कसा झाला? याचा शोध पोलिस घेत आहे.

व्यवसाय