पाषाण येथे मंगळवारी सकाळी राजू गायकवाड (४०) याने कौटुंबिक वादातून पत्नी आणि मुलाचा खून करून स्वत:ही गळफास घेतला.
गवंडी असलेला राजू पत्नी आरती (३७) व दोन मुलांसह पाषाण-निम्हण मळा येथील वीटभट्टीवर राहत होता. सध्या बांधकामे बंद असल्याने त्याच्याकडे काम नव्हते. त्यात त्याला ताडी पिण्याचे व्यसन होते. त्यामुळे पती-पत्नीत नेहमी खटके उडत असत.
अशाच वादातून मंगळवारी सकाळी राजूने पत्नी आरती व मुलगा विशाल (१९) हे दोघे झोपलेले असताना त्यांच्यावर कु-हाडीने वार करून त्यांचा खून केला. त्यानंतर स्वत:ही गळफास घेऊन आत्महत्या केली.
मात्र, मुलगी शुभांगी पाहुण्यांकडे झोपायला गेल्याने वाचली. या घटनेमुळे शुभांगीला मानसिक धक्का बसला आहे.