सेल्फीचा नाद जीवघेणाही ठरू शकतो, याचा अनुभव मॉस्कोमधील एका तरुणीला नुकताच आला. ऑफिसमधील सुरक्षा रक्षकाचे पिस्तुल डोक्यावर ठेवून सेल्फी काढताना, त्याच पिस्तुलातून चुकून गोळी उडल्याने ही तरुणी गंभीर जखमी झाली. तिच्यावर स्थानिक हॉस्पिटलमध्ये उपचार सुरू असून तिची प्रकृती चिंताजनक आहे.
ऑफीसमधील सुरक्षा रक्षकाकडील ९ एमएमचे पिस्तुल पाहिल्यावर या युवतीला सेल्फी काढण्याची कल्पना सुचली. पिस्तुल डोक्याला लावून सेल्फी काढण्याच्या नादात ट्रिगर दाबला गेला आणि गोळी उडाल्याने ती गंभीर जखमी झाली. दरम्यान, निष्काळजीपणे शस्त्र हाताळणाच्या आरोपाखाली संबंधित सुरक्षा रक्षकाला सहा महिन्यांची शिक्षा होण्याची शक्यता आहे.