ISIS ने जॉन केंटली यांचं दोन वर्षांपूर्वी अपहरण केलं होतं. ISIS त्यांचा उपयोग धमकीचे संदेश देण्यासाठी करतेय. ISIS कडे बँकांमध्ये अनेक अब्ज डॉलर जमा आहेत आणि पाकिस्तानमधील भ्रष्ट अधिकाऱ्यांच्या विकत घेऊन लवकरच अणुबॉम्ब हस्तगत करू, असं ‘द परफेक्ट स्टॉर्म’ शिर्षका खालील लेखात म्हटलं आहे. अमेरिकेच्या उत्तरेतील देशांमध्ये हा अणुबॉम्ब पाठवला जाईल, असं ISIS स्पष्ट केलंय.
‘आम्हाला अमेरिकेला धडा शिकवायचा आहे. जगात इस्लामिक स्टेटचं साम्राज्य आम्हाला स्थापन करायचं आहे. इस्लमिक स्टेटचं साम्राज्य हळूहळू वाढतंय. जंलगात वणवा पेटतो तसं आम्ही एक एक राज्य काबीज करत आहोत. लवकरच आम्ही पश्चिमेत दाखल होऊ, असं ISIS ने लेखात लिहिल्याचं डेली मेल दैनिकाच्या वृत्तात म्हटलं आहे.
फोटो पत्रकार केंटली यांचं ISIS ने नोव्हेंबर २०१२ मध्ये सीरियात अपहरण केलं होतं. त्यांच्याबरोबरच अमेरिकी पत्रकार जेम्स फोली यांचंही अपहरण झालं होतं. पण नंतर ISIS ने फोली यांची हत्या केली.