एका १५ वर्षीय दलित मुलीला जिवंत जाळण्याचा प्रयत्न केल्याच्या आरोपावरू चौघांना पीलीभीत पोलिसांनी अटक केली आहे. आरोपींमध्ये दोन महिलांचाही समावेश आहे. या पीडित मुलीचा इटावाहा येथील सैफई हॉस्पिटलमध्ये उपचाराजदरम्यान मृत्यू झाला.
या बाबत पोलिस ठाण्यात दाखल करण्यात आलेल्या तक्रारीनुसार, दलित मुलीला जिवंत जाळण्याचा प्रयत्न केल्याची तक्रार नोंदवण्यात आली होती. मात्र आता या मुलीचा मृत्यू झाल्यामुळे या आरोपींवर खून केल्याचा गुन्हा नोंदवला जाईल. पिलीभीतमधील एका उद्योजक कुटुंबाच्या घरी पीडित मुलगी घरकाम करत असे. याच कुटुंबातील चौघांनी या पीडित मुलीला जाळून मारण्याचा प्रयत्न केला आहे.
याबाबत पीडित मुलीच्या वडिलांनी या चौघांविरोधात पोलीस ठाण्यात तक्रार नोंदवली. रमेश चंद्र असे मुलीच्या वडिलांचे नाव असून ते रोशनबादचे रहिवासी आहेत. रमेश चंद्र यांच्या पत्नीचा अडीच महिन्यांपूर्वी मृत्यू झाल्यानंतर रमेश चंद्र यांनी आपली मुलगी डॉली हिला तिची मोठी मावशी मंजू देवी यांच्याकडे कानपूरला पाठवले. आठ महिन्यांपूर्वी मंजू देवी यांनी डॉलीला पिलीभीतमधील उद्योजक अमनदीप सिंग जॉली यांच्या सुरभी कॉलनी येथील घरी घरकामासाठी पाठवले.
आपल्या मुलीला भेटण्यापूर्वी जॉलीने बळजबरीने डॉलीच्या वडिलांनी बऱ्याचशा कोऱ्या कागदांवर सह्या घेतल्या. मात्र आपल्या मुलीला पाहून पुन्हा गावी न गेल्यास खून करण्याची धमकी जॉलीने डॉलीच्या वडिलांना दिली असे डॉलीच्या वडिलांचे म्हणणे आहे.
मात्र, पुढे नोव्हेंबर २९ ला पीडित मुलीला सैफई हॉस्पिटलमध्ये हलवण्यात आले. इथेच रविवारी या मुलीचा मृत्यू झाला.
मुलीला का जाळले असे विचारले असता, आपली मुलगी सारखी रडत होती, ती त्याबद्दल काहीएक सांगू शकली नाही, असे पीडित मुलीच्या वडिलांनी सांगितले. दरम्यान, जॉली आणि इतर तिघांवर ठार मारण्याचा प्रयत्न करणे, तसेच दलित अत्याचार प्रतिबंधक कायद्याखाली गुन्हा नोंदवण्यात आला आहे.