पबजीच्या वेडापायी अनेक तरुणांनी आत्महत्या केल्याच्या घटना महाराष्ट्रात घडल्या आहेत. डहाणूमधील एका आदिवासी विद्यार्थ्यानंही पबजी खेळण्यापासून रोखले म्हणून आत्महत्या केल्याची घटना घडली आहे. हेमंत झाटे (वय १९) असं या विद्यार्थ्याचं नाव आहे. पबजी खेळण्यापासून रोखले म्हणून त्यानं गळफास घेऊन स्वतःचं जीवन संपवलं.
मेहता यांनी पोलिसांनी दिलेल्या माहितीनुसार, हेमंतला पबजी गेमचं व्यसन जडलं होतं. रात्री उशिरापर्यंत तो मोबाइलवर पबजी खेळत असे. मेहता यांनी हेमंतला अभ्यासावर लक्ष केंद्रीत कर. पबजी खेळू नको असं सांगितलं. सोमवारी तब्येत बरी नाही असं सांगून हेमंत त्याच्या खोलीमध्ये लवकर झोपण्यासाठी गेला. मात्र, त्यानं खोलीत गळफास घेऊन आत्महत्या केली. त्याच्याजवळ कोणतीही चिठ्ठी सापडली नाही.
दरम्यान, काही दिवसांपूर्वी पबजी गेमचं वेड असलेल्या आणि नैराश्यानं ग्रासलेल्या एका तरुणानं आत्महत्या केल्याची घटना नागपूरमध्ये घडली होती. बॉबी शंकर मानके असं या तरुणाचं नाव होते. बॉबी पबजी गेम खेळत असे. त्याने बारावीनंतर अभियांत्रिकीच्या पहिल्या वर्षाला प्रवेश घेतला होता. त्याला ‘पब जी’ गेमचे वेड असल्याने तो सतत गेम खेळत असे. यामुळे त्याचे अभ्यासाकडे लक्ष नव्हते. अखेर इंजिनिअरींग न झेपल्याने त्याने ते सोडले आणि बीबीए ला प्रवेश घेतला. त्यानंतरसुद्धा गेमचे वेड कमी झाले नाही. त्याचे अभ्यासाकडे दुर्लक्षच होत गेले. अलिकडेच त्याने बीबीएची परीक्षा दिली होती. मात्र ही परीक्षासुद्धा चांगली गेली नसल्याचे बोलले जात होते. या काळात तो नैराश्यग्रस्त झाला होता. त्याच्यावर वैद्यकीय उपचारसुद्धा सुरू होते. त्याने यापूर्वीसुद्धा आपल्या हाताच्या नसा कापून आत्महत्येचा प्रयत्न केला होता.