पनवेलहून गोरेगावला जाणाऱ्या प्रवाशांसाठी लवकरच थेट लोकल सुरू होणार आहे. पनवेल-गोरेगाव लोकल चाचणी घेण्यासाठी मार्गाची तपासणी करण्याचा निर्णय मध्य रेल्वेने घेतला आहे. या तपासणीअंती पनवेलवरून गोरेगाव लोकल मार्गस्थ होणार असल्याने हार्बरवासीयांना लोकल बदलण्याच्या त्रासातून सुटका मिळेल.
सद्यस्थितीत पनवेलवरून अंधेरी लोकल सुरू आहे. गोरेगावपर्यंत प्रवास करण्यासाठी प्रवाशांना अंधेरी स्थानकात उतरून लोकल बदलावी लागत होती. यामुळे रेल्वे प्रशासनाने थेट गोरेगावपर्यंत लोकल मार्गस्थ करण्याच्या हालचाली सुरू केल्या आहेत. रेल्वे प्रशासनाकडून पनवेल-गोरेगाव लोकलसाठीची चाचणीपूर्व तयारी पूर्ण करण्यात आल्याने येत्या काही महिन्यांत चाचणी यशस्वी करून लोकल सुरू करण्यात येणार असल्याची माहिती रेल्वे अधिकाऱ्यांनी दिली.