येथील कामघर रुग्णालय परिसरात अचानक रस्ता खचल्यामुळे तीन वाहनांचे नुकसान झाल्याची माहिती मिळते आहे. दरम्यान अग्निशमन दल घटनास्थळी दाखल झाले असून पुढील कार्यवाही सुरू आहे.
रात्री ११.३०च्या सुमारास ही दुर्घटना घडल्याचं समजतं कामघर रुग्णालयाजवळील रामचंद्र नगर येथील राजमुद्रा सोसायटी जवळ अचानक रस्ता खचला आणि घटनास्थळी उभ्या असलेल्या दोन कार आणि एक रिक्षा कोसळल्या. या वाहनांमध्ये एकही व्यक्ती उपस्थित नसल्याने कोणतीही जीवितहानी झाली नाही. तसंच कोणी जखमीही झालेले नाही. रस्ता खचण्यामागचे कारण मात्र अद्याप स्पष्ट झालेलं नाही. अग्निशमन दलाच्या गाड्या घटनास्थळी दाखल झाले आहेत. एक पोलीस अधिकारीही घटनास्थळी पोहोचले असून पुढील तपासणी सुरू आहे.