ज्येष्ठ समाजवादी कार्यकर्ते आणि शिक्षणतज्ञ व लेखक अरुण ठाकूर यांचे आज रात्री हृदयविकाराच्या धक्क्याने निधन झाले. त्यांच्या निधनामुळे नाशिकमधील समाजवादी चळवळीचं प्रचंड नुकसान झाल्याची प्रतिक्रिया उमटत आहे.
ठाकूर यांचे ‘नरक सफाईची गोष्ट’, ‘टीचर’ हे अनुवादित पुस्तक प्रकाशित झालेले आहे. शैक्षणिक क्षेत्रात मराठी शाळांसाठी नवीन उमेद जागावणारी आनंद निकेतन सारखी प्रयोगशील शाळा सुरू करून त्यांनी शैक्षणिक क्षेत्राला कलाटणी देण्याचा प्रयत्न सुरू केला. सहज आणि आनंददाई शिक्षण हा त्यांचा अभ्यासविषय होता. मराठवाडा विद्यापिठाच्या नामांतर लढ्यामध्ये अग्रेसर होते. शासकीय आणि निमशासकीय मराठी माध्यमाच्या शाळांच्या लढ्यात सहभागी, नाशिकमध्ये सफाई कामगारांचा लढा, नाशिक महानगरपालिकेच्या सफाई कर्मचाऱ्यांच्या हक्कांसाठीची मोठी चळवळ अरुण ठाकूर यांनी उभी केली. नाशिकमध्ये समाजवादी विचारांची फळी तयार करण्यामध्ये त्यांचा मोठा वाटा होता. समता आंदोलनाच्या पायभारणीमध्ये त्यांनी तत्कालीन तरुणांचे प्रशिक्षण वर्ग आणि तयारी करून घेतली. त्यांनी देहदान केले असल्याने उद्या (दि.२२) सकाळी ९.०० वाजता पी अँड टी कॉलनी येथील निवासस्थानी त्यांचे पार्थिव अंत्य दर्शनासाठी आणले जाईल.