मधुमेहींसाठी एक अत्यंत महत्त्वाची बातमी!… अमेरिकेतून भारतात आलेली डायबिटीसवरची तीन औषधं तुमच्यासाठी धोक्याची ठरू शकतात. अमेरिकेच्या अन्न आणि औषध प्रशासनानंच या औषधांबाबत योग्य खबरदारी घेण्याचा इशारा दिला आहे.
कॅनाग्लिफ्लोजिन, डॅपाग्लिफ्लोजिन आणि एम्पाग्लिफ्लोजिन ही तीन नवी औषधं ‘टाइप-२’च्या मधुमेही रुग्णांसाठी तयार करण्यात आली आहेत. यातली दोन औषधं नुकतीच भारतात दाखल झाली आहेत. पण, या औषधांमुळे रक्तातील आम्लाचं प्रमाण लक्षणीय वाढत असल्यानं त्याचे दुष्
परिणाम होऊ शकतात, याकडे अमेरिकेच्या एफडीएनं लक्ष वेधलं आहे.
रक्तातील साखर मुत्रावाटे बाहेर काढण्यासाठी ही औषधं किडनीला सक्रिय करतात. याउलट, अन्य औषधं पाचक ग्रंथींचा वापर करून ‘टाइप-२’ डायबिटीस नियंत्रणात ठेवतात. त्यामुळे किडनीवर कुठलाही ताण पडत नाही. म्हणूनच नवी औषधं देताना आणि घेताना डॉक्टर आणि रुग्णांनी काळजी घ्यावी, असं एफडीएनं नमूद केलंय. यापैकी एखादं औषध घेतल्यानंतर श्वास घेण्यास त्रास होऊ लागला, पोटात दुखू लागलं किंवा उलटी वगैरे झाल्यास लगेचच डॉक्टरांचा सल्ला घेण्याची सूचनाही त्यांनी केली आहे.