माझे फोटो मॉर्फ करुन…, मुंबई पोलिसांची व्हॅन अडवणारी तरुणी पोलीस ठाण्यात; नेमकं प्रकरण काय?

अगदी परदेशी प्रसारमाध्यमांनीही हा फोटो आंदोलनाचा बोलका फोटो म्हणून वापरला. रियाच्या या धाडसाचं सर्व स्थरातून कौतुक झालं. मात्र, विद्यार्थ्यांसाठी यंत्रणेसमोर उभ्या राहणाऱ्या रियाला आता ऑनलाईन धमक्यांसहीत बदनामीचा सामना करावा लागतोय. याचसंदर्भात तक्रार नोंदण्यासाठी रिया एमआयडीसी पोलीस ठाण्यात दाखल झाली असून पोलीस याप्रकरणी आता नेमकी काय कारवाई करतात हे पाहणं महत्वाचं ठरणार आहे.

सोशल मीडिया अकाऊंटबद्दल खुलासा

या संदर्भात बोलताना रियाने, “माझा फोटो सोशल मीडियात व्हायरल झाल्यानंतर मला खूप ट्रोल केलं जात आहे. माझ्या सोशल मीडिया अकाउंटबाबतही प्रश्न उपस्थित करत आहेत की हे सगळं फेक आहे. मुळात माझं अकाउंट फेक नाही. मला त्यामुळे कुठल्याही जाहिराती मिळत नाही. एका यूट्यूबरने काही चुकीचे व्हिडिओ देखील माझ्या बाबत तयार केले आहेत. जाणीवपूर्वक त्रास दिला जात आहे. मी या सर्व प्रकरणी पोलिसांत तक्रार करणार आहे,” असं सांगितलं. आपले फोटो मॉर्फ करुन वापरले जात असल्याचंही रियाचं म्हणणं आहे.