धाराशीवच्या राजकारणातील सर्वात चर्चेच्या घडामोडींमध्ये आता नवा ट्विस्ट आला आहे. ठाकरे गटाचे खासदार ओमराजे निंबाळकर यांनी पक्षप्रवेशाबाबत सध्या ‘वेट अँड वॉच’ची भूमिका घेतल्याची खात्रीशीर माहिती समोर आली आहे. 20 जूनला त्यांचे वडील पवनराजे निंबाळकर यांच्या हत्या प्रकरणी न्यायालयीन निकालानंतरच पुढील राजकीय भूमिका जाहीर करणार असल्याचे संकेत त्यांनी दिले आहेत. निकाल लागेपर्यंत कोणताही निर्णय ते घेणार नसल्याचं समजत आहे. दिल्लीतील पक्षाच्या बैठकीलाही ते गैरहजर राहण्याची शक्यता आहे. त्यामुळे धाराशिवच्या राजकारणात ओमराजेंच्या पुढील निर्णयाकडे सर्वांचे लक्ष लागले आहे.