पाकिस्तानात बसमध्ये बॉम्बस्फोट; 11 ठार

पाकिस्तानमधील बलुचिस्तान प्रातांमध्ये एका प्रवासी बसमध्ये झालेल्या बॉम्बस्फोटात 11 ठार तर 22 जण जखमी झाले आहेत, अशी माहिती पोलिसांनी आज (मंगळवार) दिली.

पोलिसांनी दिलेल्या माहितीनुसार, रविवारी (ता. 19) रात्री क्वेट्टा सरयाब रस्त्यावर बस आल्यानंतर बॉम्बस्फोट झाला. स्फोटात 11 जणांचा जागीच मृत्यू झाला. जखमींना उपचारासाठी रुग्णालयात दाखल करण्यात आले आहे. जखमींपैकी आठ जणांची प्रकृती गंभीर असल्याने मृतांचा आकडा वाढण्याची शक्‍यता आहे. मृतांमध्ये रोजंदारीवरील काम करणाऱया नागरिकांचा समावेश आहे.

दरम्यान, या घटनेची जबाबदारी कोणत्याही संघटनेने स्वीकारलेली नाही. याबाबत पुढील तपास सुरू आहे.