जे. जे.च्या डॉक्टरांचा पोलिसांवर हल्ला

जे. जे. रुग्णालयातील तीन निवासी डॉक्टरांनी मद्यधुंद अवस्थेत पोलिसांवरच हल्ला चढविल्याची घटना ताडदेव भागात घडली. या घटनेनंतर पोलिसांनी या तिघांना अटक केली.

जे. जे. रुग्णालयातील औषधे, अस्थिरोग आणि किरणोत्सर्ग या विभागांतील तीन डॉक्टरांनी ताडदेव विभागात थेट पोलिसांवर हल्ला चढवला. डॉ. शिव पंकज महेंद्र, डॉ. वेद आशीष रवीश आणि डॉ. राहुल जैन अशी या तिघांची नावे आहेत. हे तिघेही प्रथम वर्षांचे निवासी डॉक्टर आहेत.
शनिवारी त्यांना गिरगाव येथे न्यायालयात हजर करण्यात आले. तेथे त्यांना न्यायाधीशांनी जामीन अर्ज फेटाळण्यात आला आहे. या तिघा डॉक्टरांना ताडदेव पोलिसांच्या कोठडीत ठेवण्यात आले असून त्यांची अधिक चौकशी पोलीस करीत असल्याचे सूत्रांनी सांगितले.