व्यापम घोटाळयाशी संबंधित आणखी एक मृत्यू

मध्यप्रदेशातील बहुचर्चित व्यापम घोटाळा प्रकरणात आणखी एक मृत्यू झाला आहे. भारतीय वन सेवेतील निवृत्त अधिकारी विजय बहादुर यांचा मृतदेह १५ ऑक्टोंबरला ओदिशातील झारसुगुडा रेल्वे रुळावर आढळला.

व्यापमच्या दोन भरती परिक्षांमध्ये त्यांनी निरीक्षक म्हणून काम केले होते. व्यापम हा मध्यप्रदेशातील मोठा भरतीघोटाळा आहे. यामध्ये राजकारणी, नोकरशहा आणि उद्योगपतींचा सहभाग आहे.

व्यापमशी संबंधित सर्व प्रकरणे तपासासाठी सीबीआयकडे देण्यात आली आहेत. मध्यप्रदेश सरकारने व्यापम घोटाळयाचा तपास सीबीआयकडे दिल्यानंतर या घोटाळयाशी संबंधित रहस्यमयी मृत्यूंचे सत्र थांबले होते. सध्या सर्वोच्च न्यायालयाच्या देखरेखीखाली या घोटाळयाचा सीबीआय तपास सुरु आहे. यापूर्वीही व्यापम घोटाळयाशी संबंधित असलेल्या अनेकांचा रहस्यमयी मृत्यू झाला आहे.