सार्वजनिक ठिकाणी महिलांच्या सुरक्षिततेचा प्रश्न पुन्हा एकदा ऐरणीवर आला असून, छत्रपती संभाजीनगर जिल्ह्यातील पैठण शहरात एक संतापजनक प्रकार समोर आला आहे. पैठण बसस्थानक परिसरात महिला आणि तरुणींचे गुपचूप फोटो काढून त्यांच्याकडे बघून अश्लील हावभाव करणाऱ्या एका विकृत मानसिकतेच्या व्यक्तीला प्रवाशांनी रंगेहात पकडले. संतापलेल्या नागरिकांनी या ‘रोमिओ’ची जागीच चांगलीच धुलाई केली आणि त्यानंतर त्याला पोलिसांच्या स्वाधीन केले. शबीर कादर शेख (वय ४२, रा. नांदर, ता. पैठण) असे अटक करण्यात आलेल्या आरोपीचे नाव आहे.
नेमकी घटना काय?
या प्रकरणात पोलिसांनी दिलेल्या सविस्तर माहितीनुसार, पैठण बसस्थानकावर प्रवाशांची मोठी गर्दी होती. दुपारी एक ३६ वर्षीय महिला आपल्या कुटुंबासह गावी जाण्यासाठी बसची वाट पाहत थांबली होती. यावेळी आरोपी शबीर शेख हा संशयास्पदरीत्या तिथे वावरत होता. त्याने आपला मोबाईल काढून तिथे उभ्या असलेल्या महिलांचे आणि महाविद्यालयीन तरुणींचे त्यांच्या नकळत चोरून फोटो काढण्यास सुरुवात केली. हा प्रकार संबंधित फिर्यादी म
केवळ फोटो काढूनच हा नराधम थांबला नाही, तर तो महिलांकडे बघून अत्यंत किळसवाणे आणि अश्लील हावभाव करत होता. त्याच्या या कृत्यामुळे बसस्थानकावर उपस्थित असलेल्या महिलांमध्ये भीतीचे आणि अस्वस्थतेचे वातावरण निर्माण झाले होते. सुरुवातीला काही वेळ दुर्लक्ष केल्यानंतर, जेव्हा त्याचा त्रास असह्य झाला, तेव्हा पीडित महिलेने प्रचंड धाडस दाखवले. तिने तातडीने पुढे होऊन आरोपीला या प्रकाराचा जाब विचारला आणि मोठमोठ्याने ओरडून इतर प्रवाशांना मदतीसाठी बोलावले.
प्रवाशांचा संताप आणि धुलाई
महिलेचा आवाज ऐकून बसस्थानकावरील प्रवासी आणि स्थानिक तरुण मदतीला धावून आले. प्रवाशांनी तातडीने आरोपीचा मोबाईल हिसकावून घेतला आणि त्याची गॅलरी तपासली. मोबाईल तपासला असता, त्यात केवळ त्या महिलेचेच नव्हे, तर तिथे उपस्थित असलेल्या अनेक तरुणींचे आक्षेपार्ह फोटो आणि व्हिडिओ आढळले. हे पाहून उपस्थितांचा संताप अनावर झाला. जमावाने शबीर शेखला वेढा घातला आणि त्याची भररस्त्यात धुलाई सुरू केली.
काही काळ परिसरात तणावाचे वातावरण होते. या मारहाणीनंतर आरोपीला पैठण पोलीस ठाण्यात पोलिसांच्या स्वाधीन करण्यात आले. पोलिसांनी शबीर शेखविरुद्ध विनयभंग आणि सायबरच्या विविध कलमान्वये गुन्हा दाखल केला आहे. पोलिसांनी आरोपीला अटक केली असून न्यायालयाने त्याला पोलीस कोठडी सुनावली आहे.हिलेच्या लक्षात आला.