व्हाट्स अॅप, फेसबूकसाठी विवाहितेची आत्महत्या

व्हाट्स अॅप आणि फेसबूकचा वापर करण्यास पतीने विरोध केला म्हणून एका विवाहितेने राहत्या घरात गळफास घेऊन आत्महत्या केली. अपर्णा (२०), असे आत्महत्या केलेल्या विवाहितेचे नाव आहे.

अपर्णा ही आपल्या पतीसह कौनदमपालयम परिसरात राहत होती. तिचा पती कुमार हा ट्रक चालक असल्याने तो कायम फिरतीवर असतो. त्यामुळे घरी एकट्याच असलेल्या अपर्णा ही तासनतास व्हाट्स अॅप आणि फेसबूकचा वापर करत असे.

ज्यावेळी कुमार घरी येत असे, त्यावेळीही ती मोबाईलवर चाटींग करण्यात व्यस्त राहत असल्याने कुमार यांनी तीव्र नाराजी व्यक्त केली. तरीही ती जुमानत नसल्याने रागाने संतापलेल्या कुमार याने तिचा मोबाईल हिसकावून घेतला. त्यामुळे संतापलेल्या अपर्णा हिने घराचा दरवाजा लावून गळफास घेत आत्महत्या केली.

हा प्रकार उघडकीस आल्यानंतर जबरदस्त मानसिक धक्का बसलेल्या कुमार यानेही आत्महत्येचा प्रयत्न केला. मात्र, नातेवाईकांच्या प्रसंगावधानाने तो थोडक्यात वाचला.