खोलीचं दार बराच वेळापासून बंद, दरवाजा उघडताच धक्कादायक दृश्य; 23 वर्षीय तरुण पुजाऱ्यानं…

घटनेची माहिती मिळताच सहाय्यक पोलीस निरीक्षक सचिन कुलकर्णी यांच्या मार्गदर्शनाखाली पोलीस हवालदार रुईकर यांनी घटनास्थळी धाव घेतली. पोलिसांनी पंचनामा करून मृतदेह ताब्यात घेत शवविच्छेदनासाठी रुग्णालयात पाठवला. या घटनेची भारतीय दंड संहिता कलम 194 अंतर्गत आकस्मिक मृत्यूची नोंद करण्यात आली आहे. या घटनेचा तपास सहाय्यक पोलीस निरीक्षक सचिन कुलकर्णी यांच्या मार्गदर्शनाखाली पोलीस हवालदार रुईकर करीत आहेत.

कोणतीही सुसाईड नोट नाही

मयुरकुमार यांनी आत्महत्येपूर्वी कोणतीही सुसाईड नोट मागे ठेवलेली नाही. ते काही दिवसांपासून मानसिक तणावात होते का? वैयक्तिक कारण होते का? याची चौकशी सुरू आहे. पोलिसांकडून मंदिर व्यवस्थापन, सहकारी पुजारी व स्थानिक भाविकांची चौकशी करण्यात येत आहे. आत्महत्येमागील कारण अद्याप समजू शकलेलं नाही. कोणतीही सुसाईड नोट सापडलेली नाही.

जैन देरासरसारख्या शांत आणि धार्मिकस्थळी अशी घटना प्रथमच घडल्यानं जैन समाजात आणि नागोठणे परिसरात शोककळा पसरली आहे. ‘मयुरकुमार अत्यंत नम्र, भक्तिमान आणि साध्या स्वभावाचे होते. त्यांनी असं पाऊल का उचललं, हे समजत नाही,’ अशी प्रतिक्रिया मंदिर व्यवस्थापनातील सदस्यांनी दिली. मयुरकुमार यांच्या मंदिरातील सहकाऱ्यांची, व्यवस्थापनातील व्यक्तींची तसेच गुजरातमधील त्यांच्या नातेवाईकांची चौकशी करण्यात येत आहे. तरुण पुजाऱ्याने आत्महत्या केल्याची ही घटना अत्यंत दुर्दैवी असून, धार्मिक परिसरातील शांततेवर छाया पसरली आहे. आत्महत्येमागील कारण शोधण्यासाठी पोलिसांची तपासणी सुरू आहे.