१५ पेक्षा अधिक गंभीर गुन्हे दाखल असलेल्या सराईत गुन्हेगार टिप्याची गुन्हेगारी थांबावी यासाठी पोलिसांनी त्याची धिंड काढत त्यांच्यावर मोक्का लावला. आरोपीला पीएसआय आरोपीला कारागृहात नेत असताना माझी धिंड का काढली? मोक्का का लावला? विचारत टिप्याने पीएसआयची कॉलर पकडून कारागृहात राडा केला. याप्रकरणी टिप्या विरुद्ध सरकारी कामात अडथळा आणल्या प्रकरणी पुन्हा दाखल करण्यात आला आहे.
टिप्या उर्फ जावेद शेख असे कुख्यात गुन्हेगाराचे नाव आहे. शहर पोलीस ठाण्यांमध्ये टिप्या १५ गंभीर स्वरूपाचे गुन्हे दाखल आहे. वेगवेगळ्या गुन्ह्यात टिप्या कारागृहात शिक्षा भोगत होता. अडीच महिन्यांपूर्वी तो जेलमधून बाहेर आला. त्यानंतर पुन्हा त्याने व्यापाऱ्याला तलवारीचा धाक दाखवून अडीच लाख रुपये लूटले. शहरातील नशेची विक्री व वाढती गुन्हेगारी पाहता पोलिसांनी धिंड पॅटर्न सुरू केला. या प्रकाराला घाबरून आरोपी टिप्या न्यायालयात हजर झाला. त्यानंतर पुंडलिक नगर पोलिसांनी त्याची अक्षरशः फरफट धिंड काढली. त्यानंतर त्याच्यावर मोक्का अंतर्गत कारवाई करण्यात आली.
या प्रकारामुळे टिप्याने चांगलीच धास्ती घेतली होती. दरम्यान मंगळवारी दुपारच्या सुमारास पोलीस निरीक्षक कैलास जाधव व कर्मचारी त्याला पुन्हा कारागृहात घेऊन जात होते. यावेळी आरोपी टिप्याने आरडा ओरडत केला. माझी धिंड का काढली? माझ्यावर मुक्का का लावला? असं विचारात टिप्याने पोलीस उपनिरीक्षक कैलास जाधव यांची कॉलर पकडली. बाहेर आल्यावर तुला बघून घेतो अशी धमकी देखील दिली. या संपूर्ण प्रकारानंतर टिप्या आहे विरुद्ध सरकारी कामात अडथळा आणल्या प्रकरणी पुन्हा दाखल करण्यात आला आहे. या प्रकरणाचा पुढील तपास हेड कॉन्स्टेबल विनोद जाधव करत आहेत.