लॉकडाऊनमध्ये उद्योजकाचे कोट्यावधी रुपयांचे नुकसान झाले. डोक्यावर कर्जाचा डोंगर उभा राहिला. अडचणीत असलेल्या उद्योजकाला दोघांनी हेरल अन् चक्क ४ लाख रुपयांमध ३ कोटी रुपयांचा आमिष दाखवले. हॉटेलच्या खोलीत गंडे दोरे, सुके नारळ, जडीबुटी, कवड्या मांडून जादूटोणा सुरू असताना गुन्हे शाखेच्या पथकाने छापा टाकला अन् कोट्यावधी रुपयांच्या धनादेशासह तिघांना बेड्या ठोकल्या.
विकास प्रकाश उत्तरवार (वय ४२) रा.हिमायतनगर नांदेड, शंकर बबन काजळे (वय ३६) रा. चिकलठाणा, विलास देवराव कुहिळे (वय ४२) रा. जरूळ तालुका वैजापूर असे अटक करण्यात आलेल्या आरोपींची नावे आहेत. या प्रकरणी अधिक माहिती अशी की, विकास उत्तरवार हे उद्योजक राहिले आहेत 2010 पासून त्यांच्या तीन कंपन्या झाल्या आहेत. मात्र कोरोनामध्ये लागलेल्या लॉकडाऊन नंतर त्यांचे आर्थिक परिस्थिती खराब झाली. यामुळे गेल्या काही दिवसांपासून ते प्लॉटिंगचा व्यवसाय करत आहे.
या प्रकरणी गुन्हे शाखेचे पोलीस निरीक्षक संभाजी पवार यांनी दिलेल्या माहितीनुसार, हॉटेल रविराज येथे खोली क्रमांक ३०१ व ३१४ मध्ये पैशांचा पाऊस पाडण्यासाठी जादूटोणा सुरू असल्याची माहिती मिळाली. मिळालेल्या माहितीच्या आधारे पोलीस निरीक्षक काशिनाथ महांडुळे यांनी पथकासह हॉटेलच्या दोन्ही खोल्यांमध्ये प्रवेश केला. यावेळी खोलीत जादूट होण्यासाठी लागणारे साहित्य आढळून आलं.
दरम्यान, ज्यामध्ये जडीबुटी,मंत्र लिहिलेला कागद,काळे-लाल कापड, शेंदूर लावलेला पुड्या, पांढऱ्या कवड्या, वाळलेले लिंबू,नारळ इत्यादी साहित्य आढळून आले. याप्रकरणी क्रांती चौक पोलीस ठाण्यामध्ये गुन्हा दाखल करण्यात आला असून या प्रकरणाचा पुढील तपास पोलीस करीत आहे.