(CBSE Textbook) केंद्रीय माध्यमिक शिक्षण मंडळाच्या (सीबीएसईच्या शाळांच्या) अभ्यासक्रमात छत्रपती शिवाजी महाराजांच्या दैदीप्यमान इतिहासाचा समावेश करण्याची घोषणा शालेय शिक्षणमंत्री दादा भुसे यांनी केली असली, तरी सध्याच्या अभ्यासक्रमात शिवाजी महाराजांविषयी एक धडा आणि तोसुद्धा फक्त 68 शब्दांमध्ये समाविष्ट करण्यात आला असून, हे धक्कादायक वास्तव नुकतंच समोर आलं आहे.
सीबीएसईच्या देशपातळीवर शिकवल्या जाणाऱ्या इयत्ता चौथी ते बारावीपर्यंतच्या इतिहासाच्या पुस्तकांची एकूण पानं आहेत 2200. या सव्वादोन हजार पानांपैकी मराठ्यांच्या इतिहासाला फक्त दोन पानांचंच महत्त्वं देत तो अक्षरशः गुंडाळून टाकण्यात आला आहे.
सीबीएसईच्या पाठ्युपुस्तकांत महाराजांच्या आणि मराठ्यांच्या इतिसाहाला मिळालेली जागा पाहता या विरोधात मराठा संघटना आणि शिवप्रेमी आक्रमक झाले आहेत. ज्या विरोधात गुरुवारी पत्रकार परिषद घेत तिथं यासंदर्भातील सविस्तर भूमिका मांडण्यात येणार आहे.
पुण्यातील मराठा समन्वयक पाठ्यपुस्तरासंदर्भातील विरोध दर्शवत पत्रकार परिषदेच्या माध्यमातून ही भूमिका मांडली जाणार असून, शासन आणि मुख्यमंत्र्यांना यासंदर्भातील पत्र सादर करत पुढील भूमिका मांडल्या जाणार आहेत. तेव्हा यावर आता याबाबत राज्य सरकारला निवेदन देण्यात आल्यास पुढं त्यांची काय भूमिका असेल हे पाहणंही महत्त्वाचं ठरणार आहे.