महाबळेश्वर पाचगणी रस्ता पूर्ण ओबडधोबड झाला आहे. रस्त्यावर ठिकठिकाणी खड्डे पडले आहेत.त्यामुळे या मार्गांवर अपघाताला निमंत्रण देणारी परिस्थिती निर्माण झाली आहे. पर्यटकांच्या वाहनांचे खूप मोठे नुकसान होत आहे या रस्त्यामुळे पर्यटकांना मानसिक त्रास ही सहन करावा लागत आहे.
दरवर्षी मोठ्या पावसामुळे या मार्गावर असणाऱ्या झाडांमुळे हा रस्ता खराब होतो. सध्या या रस्त्यांवर सर्वत्र खड्ड्यांचे साम्राज्य आहे. हा मार्ग महाबळेश्वर आणि कोकणात जाणारा मुख्य मार्ग असल्यामुळे येथील रस्त्याचा रात्रीच्या वेळी काही अंदाज येत नाही. या रस्त्याला अवघड वळणे ही आहेत. त्यामुळे मोठा अपघात होण्याची शक्यता आहे. हा मार्ग खड्ड्यांनी भरल्याने पर्यटकांच्या वाहनांचे खूप मोठे नुकसान होत आहे. या रस्त्यामुळे पर्यटकांना मानसिक त्रास ही सहन करावा लागत आहे. येथील रुग्णांना उपचारासाठी वाईला रुग्णालयात आणताना नातेवाईकांनाही खूप त्रास सहन करावा लागतो. पर्यटकांना प्रवासाला वेळ लागत असल्यामुळे पर्यटक संताप व्यक्त करत आहेत. पर्यटकांना रात्रीच्या वेळी जीव मुठीत घेऊनच प्रवास करावा लागत आहे.