दुकान बंद करण्याचे सांगूनही दुकान बंद केले नाही याचा राग धरून केडगावच्या सलून व्यावसायिकास सोशल मीडियातून शिरच्छेद करण्याची तसेच दुकानावर बुलडोझर चालवण्याची धमकी देण्यात आली आहे. कोतवाली पोलिसांनी या प्रकरणी गुन्हा दाखल केला आहे. नूपुर शर्मा यांच्या वक्तव्याच्या निषेधार्थ मुस्लिम समाजातर्फे बंद पुकारण्यात आला होता. त्याचा याच्याशी काही संबंध आहे का? याचा पोलिस तपास करीत आहेत. शकिल शिराईम शेख (वय २९, रा. केडगाव) यांनी फिर्याद दिली आहे. त्यांचे केडगावमध्ये हिना मेन्स पार्लर
१० जून रोजी सकाळी ११ च्या सुमारास शकील शेख दुकानात काम करीत होते. त्यावेळी दोन ते तीन अनोळखी व्यक्ती दुकानावर आल्या व आज दुकान बंद ठेवा असे म्हणून निघून गेल्या. परंतु दुकानात ग्राहक असल्याने शेख यांनी दुकान सुरुच ठेवले. त्यानंतर १२ जून रोजी सकाळी ११ च्या सुमारास शेख यांच्या मोबाईलमधील पाचपीर बाबा दरगाह कमेटी नावाच्या ग्रुपवर सिराज शेख या व्यक्तीने एक पोस्ट केलेली दिसली.
शकील शेख यांना दुकान बंद ठेवण्याबाबत सांगून सुध्दा त्यांनी दुकान चालू ठेवून आमच्या भावना दुखावल्या आहेत. असा मेसेज होता. त्याखाली अझीम राजे, राऊफ खान साहब यांनी मेसेज करून शिरच्छेद करण्याची धमकी दिली. तसेच वाहिद सय्यद, गफार शेख, तन्वीर शेख यांनी दुकानावर बुलडोजर चालवू अशी धमकी दिली. त्यानंतर शकील शेख त्या ग्रुपमधून बाहेर पडले.
त्यानंतर १३ जूनला दुपारी शेख हे त्यांच्या सलूनमध्ये असताना दोघे जण एका दुचाकीवरून तोंडाला काळे कापड बांधून आले. त्यांनी हातातील लाकडी व लोखंडी दांडक्याने शेख यांच्या दुकानाच्या समोरील भागात लावलेले काचेचे गेट फोडून, तुम्ही मुसलमान नाही, आज दुकान फोडले, उद्या तुला फोडू अशी धमकी देऊन निघून गेले, असे फिर्यादीत म्हटले आहे.
च्या तक्रारीनुसार पोलिसांनी गुन्हा दाखल केला असून पोलिस निरीक्षक संपत शिंदे तपास करीत आहेत.