जिल्ह्यातील विक्रमगड तालुक्यातील कऱ्हे गावचे सुपुत्र महेश रामा पडवले या जवानाला वीरमरण आले आहे. पंजाब प्रांतातील भारत-पाकिस्तान सीमेवर कर्तव्य बजावत असणाऱ्या महेश रामा पडवले यांना साप चावल्यानंतर उपचारादरम्यान त्यांनी प्राण सोडले.
बीएसएफच्या बीएन मुख्यालय ५८ माधोपूर येथे कर्तव्य बजावत असताना जवान महेश पडवळे यांच्या डाव्या हाताला साप चावला होता. त्यानंतर लगेच महेश फडवळे यांच्या पत्नी परमिला फडवळे यांना या प्रकरणाची माहिती देण्यात आली. तसंच महेश पडवळे यांना पठाणकोटच्या सिव्हिल हॉस्पिटलमध्ये तातडीने हलवण्यात आले. या ठिकाणी त्यांच्यावर उपचार सुरू होते. मात्र उपचार सुरू असतानाच महेश पडळडे यांचा मृत्यूशी संघर्ष अयशस्वी झाला.
दरम्यान, महेश पडवले यांचं पार्थिव रात्री मुंबईत आल्यानंतर आज त्यांच्यावर कऱ्हे या मूळगावी शासकीय इतमामात अंत्यसंस्कार केले जाणार आहेत.