राज्याचे पर्यटनमंत्री आणि मुख्यमंत्री उद्धव ठाकरेंचे पुत्र आदित्य ठाकरे हे सोमवारपासून तीन दिवसांच्या कोकण दौऱ्यावर आहे. सोमवारी दुपारी सिंधुदुर्गमध्ये दाखल झाल्यापासून आदित्य हे वेगवेगळ्या ठिकाणांना भेटी देत असून अनेक कार्यक्रमांमध्ये सहभागी होत आहेत. मात्र याच दौऱ्यादरम्यान काल सकाळी खारेपाटण चेक पोस्टजवळ आदित्य यांच्या ताफ्यातील काही गाड्यांचा अपघात झाला. सुदैवाने यामध्ये कोणीही जखमी झालेलं नाही.
आदित्य ठाकरे यांच्या सुरक्षा ताफयातील मधील दोन ते तीन गाड्यांचा अपघात झाला आहे. खारेपाटण चेक पोस्टजवळ ही घटना मंगळवारी सकाळी ११.३० च्या सुमारास घडली. आदित्य ठाकरे सिंधुदुर्गवरून रत्नागिरीला जात असताना हॉटेल मधुबनजवळ त्यांच्या ताफ्यातील गाड्यांना हा अपघात झाला.