वेल्हे तालुक्यातील तोरणा गडावर चढाई करीत असताना दगड डोक्यात पडून पुण्यातील तरुणाचा मृत्यू झाला. ही घटना रविवारी सकाळी दहाच्या सुमारास घडली. शनिवारी किल्ला चढताना तरुण इंजिनीअरचा मृत्यू झाल्याच्या घटनेला चोवीस तास उलटत नाहीत तोच आणखी एका तरुणाला जीव गमवावा लागल्याने हळहळ व्यक्त होत आहे.
वेल्हे तालुक्यातील तोरणा गडावर चढाई करीत असताना दगड डोक्यात पडून पुण्यातील तरुणाचा मृत्यू झाला. ही घटना रविवारी सकाळी दहाच्या सुमारास घडली. शनिवारी किल्ला चढताना तरुण इंजिनीअरचा मृत्यू झाल्याच्या घटनेला चोवीस तास उलटत नाहीत तोच आणखी एका तरुणाला जीव गमवावा लागल्याने हळहळ व्यक्त होत आहे.
ओमप्रकाश महेशकुमार भरमगुंडे (वय २१, रा. चिंतामणी सोसायटी, कसबा पेठ) असे मृत्यू झालेल्या तरुणाचे नाव आहे. ओमप्रकाश मूळचा कऱ्हाड येथील असून, पुण्यात अॅनिमेशनचा कोर्स करीत होता.
वेल्हे पोलिस ठाण्याचे हवालदार बापू बांदल यांनी सांगितले की,’ओमप्रकाश आणि त्याचे सहा मित्र रविवारी सकाळी साडेआठ वाजता दुचाकीवरून वेल्ह्यात आले. गडाच्या पायथ्याशी दुचाकी लावून ते पाऊलवाटेने निघाले. त्यानंतर काही वेळातच कड्यावरून मोठा दगड कोसळला. ते पाहून अन्य पर्यटकांनी आरडाओरड करण्यास सुरुवात केली. मात्र, कोसळणारा दगड ओमप्रकाशला चुकवता आला नाही. त्यामुळे दगड त्याच्या डोक्यात आदळला. डोक्याच्या उजव्या बाजूला मोठी जखम होऊन रक्तस्त्राव सुरू झाला. पर्यटकांनी ओमप्रकाशला जखमी अवस्थेतच खाली आणण्यास सुरुवात केली. त्याच्या मित्रांनी ‘१०८’ क्रमांकाला फोन केला. त्यानंतर रुग्णवाहिकेतून त्याला ग्रामीण रुग्णालयात दाखल करण्यात आले. मात्र, उपचारापूर्वीच त्याचा मृत्यू झाल्याचे डॉक्टरांनी जाहीर केले.