हेल्मेट नसल्यास पोलिसांना बंधपत्र भोवणार!

हेल्मेटचा वापर काही जणांसाठी डोकेदुखी ठरतो, तर काही नागरिकांसाठी हे सुरक्षेचे अस्र असते. दुचाकी अपघातांमध्ये हेल्मेटचा वापर वाढावा यासाठी पोलिसांकडून वेगवेगळ्या उपाययोजना राबविल्या जात आहेत. पोलिसही याला अपवाद नसून, हेल्मे वापराबाबत आता पोलिसांकडूनही बंधपत्र घेण्यास सुरुवात झाली आहे. या बंधपत्राचे उल्लंघन करणाऱ्यांवर कारवाई करण्यात येणार आदुचाकीस्वारांमध्ये हेल्मेटवापराचे प्रमाण वाढविण्यासाठी पोलिस आयुक्त दीपक पांडे आग्रही असून, यासाठी त्यांनी वेगवेगळे उपक्रम राबविले आहेत. आता सरकारी, निमसरकारी, महामंडळे, शाळा, कॉलेज अशा वेगवेगळ्या संस्थांमध्ये हेल्मेट नसलेल्या दुचाकीस्वारांना प्रवेश बंद करण्यात आला आहे. त्यासाठी सदर संस्थांनी मालमत्ता अधिकारी घोषित केला असून, या नियमाची अंमलबजावणी करण्याची जबाबदारी संबंधितांवर देण्यात आली आहे. पोलिस आयुक्तालय इमारतीचे मालमत्ता अधिकारी म्हणून क्राईम ब्रँचचे सहायक पोलिस आयुक्त वसंत मोरे यांची नियुक्ती करण्यात आली आहे. याबाबत बोलताना एसीपी मोरे यांनी सांगितले, की पोलिस ठाण्यांना मालमत्ता अधिकारी म्हणून प्रशासनाचे पोलिस निरीक्षक, तर वेगवेगळ्या भागातील पोलिस चौक्यांना तेथील वरिष्ठ अंमलदाराची नियुक्ती करण्यात आली आहे. हेल्मेट वापराचे प्रमाण वाढविणे महत्त्वाचे आहे. त्यामुळे पोलिस अधिकारी व कर्मचाऱ्यांचे बंधपत्र लिहून घेण्यात येत आहे. पोलिस आयुक्तालयासह पोलिस ठाण्यांना हा नियम लागू करण्यात आला आहे. सर्वच पोलिसांना दुचाकीचा वापर करावा लागतो, असे नाही. मात्र, ज्यांना आवश्यक आहे त्यांनी सतत हेल्मेटचा वापर करणे आवश्यक असल्याचे एसीपी मोरे यांनी स्पष्ट केले. या दृष्टीने हे बंधपत्र महत्त्वाचे असून, पोलिसांनी बंधपत्राचे उल्लंघन केल्याचे आढळून आल्यास त्यांच्यावर कारवाई करण्यात येईल, असे मोरे यांनी सांगितल