एकीकडे करोनाचा प्रादुर्भाव कमी होत नाही तितक्यात डेंगू, मलेरिया, चिकनगुनिया यासारख्या साथीच्या आजारांनी थैमान घातल्याने अनेक रुग्ण आढळून येत आहेत. यावर नियंत्रण मिळविण्यासाठी विविध परिसरांमध्ये जनजागृती करण्यात येत आहे. दुसरीकडे सिडकोतील प्रभाग क्रमांक २८ मधील साईबाबानगर, महाकाली चौक परिसरात ऐन रक्षाबंधनाच्या दिवशी मनपाच्या निष्काळजीपणामुळे ड्रेनेज लाइन तुंबल्याने परिसरात सर्वत्र घाण तसेच नागरिकांच्या घराघरात सांडपाणी शिरले. यामुळे दुर्गंधी पसरून डासांचा प्रादुर्भाव वाढल्याने नागरिकांच्या आरोग्याचा प्रश्न गंभीर बनला आहे. गेल्या दोन दिवसांपासून ड्रेनेज लाइन तुंबल्याने नागरिकांनी स्थानिक नगरसेवक तसेच महापालिकेकडे तक्रार करूनही दुरुस्तीचे काम झाले नसल्याने नागरिकांनी नाराजी व्यक्त केली. या परिसरात ड्रेनेज तुंबण्याचे प्रकार कायमच होत असल्याने सद्य:स्थितीत नागरिकांच्या आरोग्याच्या दृष्टीने ते घातक आहे. त्यातून निघणाऱ्या सांडपाण्यामुळे दुर्गंधी पसरत असल्याने लोकांना जेवण करणे कठीण झाले आहे. यामुळे कायमस्वरुपी नवीन ड्रेनेज लाइन टाकून नागरिकांचा प्रश्न मार्गी लावावा, अशी मागणी नागरिकांकडून केली जात आहे.
ड्रेनेजलाइन तुंबल्याने दुर्गंधी
एकीकडे करोनाचा प्रादुर्भाव कमी होत नाही तितक्यात डेंगू, मलेरिया, चिकनगुनिया यासारख्या साथीच्या आजारांनी थैमान घातल्याने अनेक रुग्ण आढळून येत आहेत. यावर नियंत्रण मिळविण्यासाठी विविध परिसरांमध्ये जनजागृती करण्यात येत आहे. दुसरीकडे सिडकोतील प्रभाग क्रमांक २८ मधील साईबाबानगर, महाकाली चौक परिसरात ऐन रक्षाबंधनाच्या दिवशी मनपाच्या निष्काळजीपणामुळे ड्रेनेज लाइन तुंबल्याने परिसरात सर्वत्र घाण तसेच नागरिकांच्या घराघरात सांडपाणी शिरले. यामुळे दुर्गंधी पसरून डासांचा प्रादुर्भाव वाढल्याने नागरिकांच्या आरोग्याचा प्रश्न गंभीर बनला आहे. गेल्या दोन दिवसांपासून ड्रेनेज लाइन तुंबल्याने नागरिकांनी स्थानिक नगरसेवक तसेच महापालिकेकडे तक्रार करूनही दुरुस्तीचे काम झाले नसल्याने नागरिकांनी नाराजी व्यक्त केली. या परिसरात ड्रेनेज तुंबण्याचे प्रकार कायमच होत असल्याने सद्य:स्थितीत नागरिकांच्या आरोग्याच्या दृष्टीने ते घातक आहे. त्यातून निघणाऱ्या सांडपाण्यामुळे दुर्गंधी पसरत असल्याने लोकांना जेवण करणे कठीण झाले आहे. यामुळे कायमस्वरुपी नवीन ड्रेनेज लाइन टाकून नागरिकांचा प्रश्न मार्गी लावावा, अशी मागणी नागरिकांकडून केली जात आहे.