करोनाचा प्रादुर्भाव रोखण्यासाठी मास्क वापरणे आवश्यक असले तरीही अनेकांकडून त्याकडे दुर्लक्ष केले जाते. अशा प्रकारे स्वतःसह दुसऱ्यांनाही संसर्गाचा धोका निर्माण करणाऱ्यांविरोधात पालिकेने कारवाई चालवली आहे. संपूर्ण मुंबईत २० एप्रिलपासून ही कारवाई हाती घेण्यात आली आहे. आजवर मास्क न वापरणाऱ्या ९ लाख २५ हजार जणांविरोधात कारवाई केली.
मध्य मुंबईत विनामास्क फिरणाऱ्यांचे प्रमाण सगळ्यात जास्त आहे. परळ, माहीम, दादर, माटुंगा, शिवडी, वडाळा आदी भागात विनामास्क फिरणाऱ्या १ लाख ६९ हजार व्यक्तींविरोधात कारवाई झाली. त्यापाठोपाठ अंधेरी, गोरेगाव, मालाड भागात १ लाख ४२ हजारांवर कारवाई झाली. दक्षिण मुंबईतील कुलाबा, फोर्ट, चर्चगेट, गिरगाव, ग्रँटरोड परिसरात १ लाख ३१ हजारांकडून दंडवसूल करण्यात आला आहे.