कल्याण-डोंबिवली महापालिका क्षेत्रात मागील २४ तासांत ४८ नव्या रुग्णांची नोद झाली. तर दोन वयोवृद्ध रुग्णांचा करोनामुळे मृत्यू झाला. यामुळे शहरातील मृतांचा आकडा १७वर पोहोचला आहे. आतापर्यंत कल्याण-डोंबिवली क्षेत्रात ६४२ रुग्ण आढळले. यातील २४२ रुग्णांना उपचाराअंती घरी सोडण्यात आले, अशी माहिती आरोग्य विभागाने दिली. आंबिवली येथील ७५ वर्षीय व्यक्तीला उपचारासाठी रुग्णालयात दाखल करण्यात आले होते, मात्र उपचारादरम्यान त्यांचा मृत्यू झाला. डोंबिवली पश्चिमेकडील ६३ वर्षीय व्यक्तीला सोसायटीमधील करोनाबाधित रुग्णामुळे लागण झाली होती. त्यांचाही बुधवारी मृत्यू झाला. बुधवारी दिवसभरात १५ रुग्णांना घरी सोडण्यात आले.