मध्य प्रदेशातील इंदूर येथील पाटलपानीत बांधकाम सुरू असलेल्या एका इमारतीची तात्पुरती उभारलेली लिफ्ट कोसळून झालेल्या अपघातात एकाच कुटुंबातील सहा जणांचा मृत्यू झाल्याची दुर्घटना घडली. या अपघातात एक जण गंभीर जखमी झाला असून त्याच्यावर हॉस्पिटलमध्ये उपचार सुरू आहेत. या घटनेची माहिती मिळताच पोलिस, प्रशासनाने तातडीने घटनास्थळी धाव घेतली.
पोलिसांनी दिलेल्या माहितीनुसार, मंगळवारी इंदूरहून केवळ २५ किलोमीटर अंतर लांब असलेल्या महू येथील एका फार्महाऊसची लिफ्ट कोसळली. या दुर्घटनेत ६ जणांचा मृत्यू झाला आहे. यात एक जण गंभीर जखमी झाला असून पुनीत अग्रवाल अशी त्यांची ओळख पटली आहे, अशी माहिती पोलीस अधिकारी विनोद शर्मा यांनी दिली. मृत्युमुखी पडलेल्यांमध्ये व्यापारी पुनीत अग्रवाल, (वय ५३), मुलगी पलक (वय २७), जावाई कल्पेश (वय २८), नातू नव अग्रवाल आणि दोन मुले आर्यवीर व गौरव यांचा यात समावेश आहे. या अपघातात निधी नावाची महिला गंभीर जखमी झाली असून तिच्यावर इंदूरमधील एका हॉस्पिटलमध्ये उपचार सुरू आहेत. या दुर्घटनेचा तपास सुरू असल्याची माहिती पोलीस अधिकारी विनोद शर्मा यांनी दिली.