बिग बी अमिताभ बच्चन चित्रपटांसह सोशल मीडियाबरोबरच खूप अॅक्टिव्ह असतात. ते चित्रपटांमध्ये कितीही व्यग्र असले तरीही ते सोशल मीडियासाठी थोडा वेळ देतातच. सोशल मीडियावर आपल्या मजेदार ट्विटद्वारे ते नेहमीच चाहत्यांचे मनोरंजन करत असतात. काल (शुक्रवारी) भारत आणि वेस्ट इंडीज यांच्यातील टी -२० आंतरराष्ट्रीय सामन्यात विराट कोहलीच्या शानदार ९४ धावांच्या खेळीने बिग बी खूपच खूष झाले आणि त्यांनी विराटचे आपल्या अनोख्या शैलीत सोशल मीडियावर अभिनंदन केले.
अमिताभ बच्चन यांनी ‘अमर अकबर अँथनी’ या सुपरहिट चित्रपटाचा प्रसिद्ध संवाद रिक्रिएट करून विराटचे अभिनंदन केले. चित्रपटात हा संवाद अमिताभ बच्चन यांची व्यक्तिरेखा अँथनी याने दारूच्या नशेत म्हटला होता. बघा, अमिताभ बच्चन यांचे हे ट्विटः
Amitabh Bachchan✔ @SrBachchan
T 3570 –
यार कितनी बार बोला मई तेरे को .. की Virat को मत छेड़ , मत छेड़ , मत छेड़ …
पन सुनताइच किधर है तुम …
अभी पर्ची लिख के दे दिया ना हाथ में !!!!
देख देख .. WI का चेहरा देख ; कितना मारा उसको , कितना मारा !!
( with due respects to Anthony bhai , of AAA )
अमिताभ यांचे हे ट्विटही त्यांच्या चाहत्यांना खूपच आवडलेले आहे. दरम्यान, सध्या अमिताभ अयान मुखर्जीच्या ‘ब्रह्मास्त्र’ चित्रपटात काम करत आहेत. यात त्यांच्यासोबत रणबीर कपूर, आलिया भट्ट, मौनी रॉय, नागार्जुन आणि डिंपल कपाडिया दिसणार आहेत. याशिवाय अमिताभ इम्रान हाश्मीसोबत ‘फेस’ चित्रपटातही दिसणार आहेत.