खेळत असतांना पलंगावरून पडल्याने तीन वर्षीय चिमुरडीचा मृत्यू झाला. ही घटना पाथर्डी फाटा परिसरातील वासननगर भागात घडली. या प्रकरणी इंदिरानगर पोलिस ठाण्यात आकस्मात मृत्युची नोंद करण्यात आली आहे.
भाग्यश्री प्रभू हनवते (रा. शांती वैभव सोसा. हॉटेल रायबासमोर) असे मृत बालिकेचे नाव आहे. भाग्यश्री गुरूवारी (दि. ५) सायंकाळी आपल्या घरात पलंगावर खेळत असतांना अचानक पडली होती. तिच्या डोक्यास वर्मी मार लागला. वडिल प्रभू हनवणे यांनी तिला जिल्हा रुग्णालयात तात्काळ दाखल केले. मात्र, उपचारादरम्यान मध्यरात्री तिचा मृत्यू झाला.