हैदराबाद येथील शादनगरमध्ये 26 वर्षीय महिला डॉक्टरचा मृतदेह जळलेल्या अवस्थेत सापडल्यामुळे परिसरात खळबळ माजली आहे. मन हेलावून टाकणाऱ्या अवस्थेत महिला डॉक्टरचा मृतदेह सापडला आहे. अर्धवट जळलेल्या स्थितीतील या मृतदेहाने सर्वांचेच मन सुन्न केलं आहे. पोलिसांनी या प्रकरणाची चौकशी सुरू केली असन ट्विटरवर देखील या घटनेचे पडसाद उमटत आहेत. #RIPRIYANKArEDDY असा ट्रेंड सुरू झाला असून महिला डॉक्टरकरता न्यायाची मागणी केली जात आहे.
मिळालेल्या माहितीनुसार, डॉ प्रियंका रेड्डी कोल्लुरूमध्ये पशु चिकित्सक केंद्रात कार्यरत होती. बुधवारी त्यांनी टोल प्लाझाजवळ आपली स्कूटी पार्क करून कामावर पोहोचली. रात्री त्या कामावरून पुन्हा आल्या तेव्हा पार्क केलेली स्कूटी पंक्चर झाली होती.
प्रियंकाने तात्काळ बहिणीला फोन करून सगळा प्रकार सांगितला. एवढंच नव्हे तर आपल्याला भीती वाटत असल्याचं देखील बोलली. जवळपास फक्त लोडिंग ट्रक आणि अनोळख्या व्यक्ती आहेत. त्यावर बहिणीने त्यांना स्कूटर टोल प्लाझाजवळ सोडून टॅक्सीने येण्यास सांगितलं. तसेच काही लोक आपल्याला मदतीची ऑफर करत असल्याचं देखील त्यांनी बहिणीला सांगितलं.
गुरूवारी सकाळी पोलिसांना हेदराबाद-बंगलुरू हायवेजवळ एका महिलेचा मृतदेह सापडल्याची माहिती मिळाली. घटनास्थळवर जाऊन पोलिसांनी केलेल्या चौकशीनंतर प्रियंका यांच्या कुटुंबियांशी संपर्क केला. ज्यांनी कपडे आणि गळ्यातील लॉकेटवरून प्रियांकाची ओळख पटवली.
या प्रकरणात सीसीटीव्ही फुटेज तपासला जात आहे. सोबतच प्रियंकाला त्या रात्री कोणत्या व्यक्तीकडून मदत ऑफर केली गेली होती. याची देखील चौकशी केली जात आहे. या घटनेचे पडसाद सर्वत्र उमटले आहेत. प्रियंकाला न्याय मिळावा याकरता नेटीझन्सही एकवटले आहेत.