राजर्षी शाहू गव्हर्न्मेंट सर्व्हंट्स को-ऑपरेटिव्ह बँकेच्या अध्यक्षपदी रविंद्र पंदारे यांची तर उपाध्यक्षपदी विलासराव कुरणे यांची निवड झाली. जिल्हा उप निबंधक अमर शिंदे यांच्या अध्यक्षतेखाली निवड प्रक्रिया पूर्ण करण्यात आली. मावळते अध्यक्ष प्रकाश पाटील यांनी अध्यक्षपदासाठी पंदारे यांचे नाव सुचवले. मावळते उपाध्यक्ष भरत पाटील यांनी अनुमोदन दिले. उपाध्यक्षपदासाठी कुरणे यांचे नाव संचालक मारुती पाटील यांनी सुचवले. शशिकांत तिवले यांनी त्यास अनुमोदन दिले. निवडीनंतर अध्यक्ष पंदारे यांनी नवीन संकल्पनाचा अवलंब करून बँकेचा नावलौकिक वृद्धिंगत केला जाईल, असे मत व्यक्त केले. मुख्य कार्यकारी अधिकारी सुरेश शिंदे यांनी स्वागत केले. भरत पाटील यांनी आभार मानले.