मच्छरांच्या रोजच्या त्रासाला वैतागून एका महिलेनं पतीलाच चोप दिलाय. गुजरातमधील अहमदाबाद शहरात ही घटना घडलीये. भूपेंद्र लेउया असं पीडित व्यक्तीचं नाव असून पत्नीनं केलेल्या मारहाणीत तो गंभीर जखमी झाला आहे.
बुधवारी सकाळी भूपेंद्रची पत्नी संगीता आणि मुलगी चितल यांनी पंखा बंद असल्यामुळं व रात्री खूप मच्छर चावत असल्यामुळं व्यवस्थित झोप लागली नसल्याची तक्रार भूपेंद्रकडं केली तेव्हा त्यानं गमंतीनं माझ्या बिछान्यावर येऊन झोपली असतीस तर चांगली झोप लागेल असं उत्तर दिलं. यावर चिडलेल्या संगीतानं त्याला मुसळीनं मारहाण करण्यास सुरुवात केली. भूपेंद्रच्या मुलीनंही आईची साथ देत कपडे धुण्याच्या धोक्यानं वडिलांना मारण्यास सुरुवात केली. पीडित व्यक्तीचा आवाज ऐकून शेजाऱ्यांनी त्याच्या भावाला महेंद्रला बोलावलं तेव्हा त्याची या सगळ्यातून सुटका झाली.
बीजबिल न भरल्यामुळं वीज कापली
भूपेंद्र काही महिन्यांपासून त्याच्या कारमधून एलइडीची विक्री करतो त्यामुळं त्याचं आर्थिक उत्पन्न कमी आहे. त्याचे उत्पन्न कमी होते. गेल्या दोन महिन्यांपासून तो वीजबिल भरु न शकल्यामुळं त्याच्या घरातील वीज कापण्यात आली होती.
भूपेंद्रच्या डोळ्यावर ७ टाके
पत्नी आणि मुलीनं केलेल्या मारहाणीत भूपेंद्र गंभीर जखमी झाला असून त्याला तातडीनं रुग्णालयात दाखल करण्यात आलं. त्याच्या उजव्या डोळ्यावर सात टाके घालण्यात आले आहेत. तसंच, त्यानं पत्नी व मुलीविरोधात पोलिस ठाण्यात तक्रार दाखल केली आहे.