पत्नीवरील लैंगिक शोषणाच्या आरोप प्रकरणी आंध्र प्रदेशातील विजयवाडामध्ये पोलीस एका व्यक्तीची चौकशी करत होते. चौकशीवेळी त्या व्यक्तीने तीन मजली इमारतीवरून उडी घेऊन आत्महत्या केली. आत्महत्या केलेल्या व्यक्तीची पत्नी सेक्स टॉयचा वापर करून अल्पवयीन मुलींचे लैंगिक शोषण करायची, असा आरोप होता. पोलीस या प्रकरणी चौकशी करत होते. पण यावेळी आरोपी महिलेच्या पतीने इमारतीवरून उडी घेत आत्महत्या केली.
प्रकाशममध्ये जिल्ह्यात एका १७ वर्षीय मुलीने पोलिस अधीक्षकांकडे तक्रार केली होती. कृष्ण किशोर रेड्डी नावाची व्यक्तीने लैंगिक शोषण केल्याचा आरोप या मुलीने तक्रारीत केला. यानंतर जिल्हा पोलीस अधीक्षक सिद्धार्थ कौशल यांनी या प्रकरणी चौकशीचे आदेश दिले. आरोपी कृष्ण किशोर हा पुरुष नसून एक महिला असल्याचं पोलिसांना चौकशीत आढळून आलं. तिने आपले केस पुरुषांसारखे छोटे ठेवले होते आणि पुरुषाच्या वेषात ती अल्पवयीन मुलींचे लैंगिक शोषण करत होती, असं पोलिसांना चौकशीत आढळून आलं.
सेक्स टॉयनी भरलेली बॅग जप्त
पोलिसांनी या प्रकरणी आरोपीच्या घरावर छापा टाकला. या छाप्यात पोलिसांना सेक्स टॉयने भरलेली एक बॅग सापडली. या दरम्यान आरोपी महिलेच्या पतीची पोलीस चौकशी करत होते. याचौकशी वेळी तिचा पती पळाला आणि त्याने इमारतीवरून उडी घेतली. पोलिसांनी त्याला लगेचच रुग्णालयात दाखल केलं. पण त्यात डॉक्टरांनी त्याला मृत घोषित केलं. मृत व्यक्ती हा आरोपी महिलेचा तिसरा पती होता, अशी माहिती पोलिसांनी दिली.
पॉक्सो कायद्यांतर्गत गुन्हा दाखल
आरोपी महिला अपल्पवयीन मुलींशी मैत्री करायची. यानंतर मुलींना आमिष दाखवून शरीर संबंध बनवण्यासाठी त्यांना बळजबरी करायची. आरोपी ३२ वर्षीय महिलेविरोधात पोलिसांनी पॉक्सो कायद्यांतर्गत गुन्हा दाखल केलाय. तसंच तिला अटक करण्यात आल्याची माहिती पोलीस उपअधीक्षक रवी चंद्रा यांनी दिली.