नवरात्रीनिमित्त प्रसिद्ध अंबाजी मंदिरातील देवीचे दर्शन घेऊन परतणाऱ्या भाविकांची लग्झरी बस घाटात कोसळून सोमवारी गुजरातच्या बनासकांठा येथे २१ जणांचा मृत्यू ओढवला. अपघातप्रसंगी बसमध्ये ७० भाविक होते. चालकाचे बसवरील नियंत्रण सुटल्यानं बस दरीत कोसळली.
बनासकांठा जिल्ह्यातील अंबाजी गावाच्या जवळ असलेल्या त्रिशुला घाटात ही घटना घडली. गेल्या काही दिवसांपासून या भागात मुसळधार पर्जन्यवृष्टी सुरू आहे. अपघातात ५० जण जखमी झाले असून, त्यातील ३५ जणांची प्रकृती चिंताजनक आहे. सर्व अपघातग्रस्त प्रवासी आनंद जिल्ह्यातील अंकलाव तालुक्यातील आहेत. मदत व बचावकार्य युद्धपातळीवर सुरू आहे. या दुर्घटनेबाबत पंतप्रधान नरेंद्र मोदी यांनी शोक व्यक्त केला आहे.