बुलडाण्यात गिरडा-सावळदबारा मार्गाजवळ तब्बल ९० भटकी कुत्री मृतावस्थेत सापडल्याने खळबळ उडाली आहे. या मृत कुत्र्यांची तोंडे आणि पाय बांधलेल्या अवस्थेत आढळून आले. स्थानिकांनी याबाबत माहिती दिल्यानंतर काल (रविवार) वन विभागाने या कुत्र्यांचे शव ताब्यात घेतले. याबाबत पोलिसांनी दिलेल्या माहितीनुसार, बुलडाण्यात एकूण १०० कुत्री तोंड आणि पाय बांधलेल्या अवस्थेत वन विभागाच्या एका अधिकाऱ्याने दिलेल्या माहितीनुसार, ९० भटक्या कुत्र्यांचे शव गिरडा-सावळदबारा मार्गाजवळ वेगवेगळ्या ठिकाणी अस्ताव्यस्त अवस्थेत पडलेले होते. सुमारे १०० कुत्र्यांची तोंडे आणि पाय बांधून ५ वेगवेगळ्या ठिकाणी फेकून देण्यात आले होते. यांपैकी १० कुत्री जिवंत आढळली.
परिसरांत दुर्गंधीचे साम्राज्य
ज्या ठिकाणांवर कुत्र्यांचे शव होते त्या आसपासच्या परिसरात दुर्गंधी पसरली होती. दुर्गंधी असह्य झाल्यानंतर स्थानिकांनी गावातील पोलीस अधिकाऱ्याकडे तक्रार केली. त्यानंतर या प्रकाराचा उलगडा झाला. पोलीस अधिकाऱ्याने तातडीने हा प्रकार वन अधिकाऱ्यांना कळवला. वन अधिकाऱ्याने जिवंत कुत्र्यांना तत्काळ मोकळे करून टाकले.