‘छिछोरे’ ची तीन दिवसांत ३५ कोटींची कमाई

अभिनेता सुशांत सिंह राजपूत आणि श्रद्धा कपूर यांच्या भूमिका असलेला ‘छिछोरे’ सिनेमा प्रेक्षकांच्या पसंतीस उतरत आहे. त्याचा परिणाम बॉक्स ऑफिसवर दिसत आहे. छिछोरे सिनेमाने पहिल्या तीन दिवसांतच ३५ कोटी रुपयांची कमाई केली आहे.

छिछोरे सिनेमा मनोरंजनासह सामाजिक संदेशही देतो. नव्वदच्या दशकाचं वातावरण सिनेमात दर्शवलं आहे. नितीश तिवारी यांनी या सिनेमाचं दिग्दर्शन केलं आहे. सुशांत आणि श्रद्धा यांच्यासह प्रतीक बब्बर, ताहिर राज भसीन, तुषार पांडे यांच्या या सिनेमात प्रमुख भूमिका आहेत.