‘आधार कार्ड नोंदणीच्या प्रकल्पाला गती देण्यासाठी केंद्र सरकारने भारतीय वंशाच्या प्रत्येक नागरिकाला या प्रक्रियेत घेण्याचा निर्णय घेतला आहे. आधारचे दीर्घकालीन उद्दिष्ट लक्षात घेता हा निर्णय घेण्यात आला आहे. त्या अंतर्गत अनिवासी भारतीय, भारतीय वंशाचे नागरिक आणि परदेशात वास्तव्यास असणाऱ्या भारतीयांची नोंदणी करण्यात येणार आहे. या प्रकल्पामुळे त्यांनाही त्यांची डिजिटल ओळख मिळण्यास मदत होईल,’ अशी माहिती केंद्रीय नियोजन राज्यमंत्री राव इंदरजितसिंह यांनी दिली आहे.
केंद्र सरकारने अनिवासी भारतीय (एनआरआय), भारतीय वंशाचे नागरिक (पीआयओ) आणि परदेशात वास्तव्यास असणाऱ्या भारतीयांना (ओआयसी) आधार कार्ड देण्याचा निर्णय घेतला आहे. या निर्णयामुळे संबंधितांना आपली डिजिटल ओळख मिळविणे शक्य होणार आहे.