तालुक्यातील दाभाडी गावात झोका खेळणाऱ्या १२ वर्षीय मुलाचा गळफास लागून मृत्यू झाल्याची दुर्दैवी घटना शुक्रवारी सायंकाळी घडली. दाभाडी शेतकरी मिलिंद कदम यांचा मोठा मुलगा वेदांत हा घराच्या वरच्या मजल्यावर एकटाच झोका खेळत होता. खेळताना त्याच्या गळाल्या झोक्याच्या दोरीचा फास लागला. त्यातच तो गतप्राण झाला.
वेदांतला तातडीने मालेगाव येथील सामान्य रुग्णालयात दाखल करण्यात आले. डॉक्टरांनी तपासणी करुन त्यांचा मृत्यू झाल्याचे सांगितले. दाभाडी येथे शोकाकुल वातावरणात त्याच्या अंत्यसंस्कार करण्यात आले. वेदांत याच्या पश्चात वडील, आई, लहान भाऊ, काका, काकू असा परिवार आहे.