गोव्याहून परतणाऱ्या पर्यटकांच्या क्रूझर गाडीला कंटेनरने जोरदार धडक दिल्याने झालेल्या अपघातात ९ प्रवाशांचा जागीच मृत्यू झाला आहे. तर ५ प्रवासी जखमी झाले असून त्यांच्यावर जवळच्या हॉस्पिटलमध्ये उपचार सुरू आहेत.
गोव्याला पिकनिकसाठी गेलेल्या पर्यटकाच्या गाडीला आज सकाळी ५ वाजेच्या सुमारास कंटेनरने जोरदार धडक दिली. सिंदगी परिसराजवळ ही दुर्दैवी घटना घडली. क्रूझर गाडीने पिकनिकसाठी गेलेल्या ९ प्रवाशांचा या अपघातात मृत्यू झाला आहे. मृतांमध्ये तरुणांचा समावेश असून हे सर्वच्या सर्व २० ते ३० या वयोगटातील आहेत. मृत्युमुखी पडलेले सर्व तरुण हे कर्नाटकातील कलबुर्गी जिल्ह्यातील रहिवासी आहेत. अपघाताची माहिती मिळताच पोलिसांनी घटनास्थळी धाव घेतली असून जखमींना जवळच्या हॉस्पिटलमध्ये दाखल केले आहे.