हिंदुहृदयसम्राट बाळासाहेब ठाकरे यांच्या जीवनपटावर ‘ठाकरे’ हा चित्रपट येत्या २५ जानेवारी रोजी प्रदर्शित होत आहे. या चित्रपटादरम्यान, महाराष्ट्राची आन-बान-शान मानल्या जाणाऱ्या आणि दिवसाच्या कोणत्याही वेळेला सर्वसामान्यांचे पोट भरेल,अशा चटपटीत शिव वडापावची चव राष्ट्रीय स्तरावरील प्रेक्षकांना चाखण्यास मिळणार आहे.
बाळासाहेब ठाकरेंसारख्या महाराष्ट्राच्या मातीतील रांगड्या व लोकप्रिय व्यक्तिमत्वाप्रमाणेच काही दशके करोडोंच्या मनांवर व जिभेवर वडापाव अधिराज्य गाजवत आहे. ठाकरे चित्रपटादरम्यान, स्टार्टर्स म्हणून वडापाव देण्याचा मानस निर्मात्यांकडून व्यक्त करण्यात आला होती. निर्मात्यांच्या विचाराला पाठिंबा देत ७२ निवडक कार्निवल सिनेमा थिएटरर्समध्ये प्रेक्षकांना वडापाव उपलब्ध करून देण्यात येणार आहे.
पॅन-इंडिया मार्केटिंगच्या पुढाकाने टेंट कार्ड्स, वेबसाइट बॅनर, सिनेमा स्लाइड्स आणि एसएमएस मोहीम यांद्वारे काही
महाराष्ट्रीयन पाककृतींना राष्ट्रीय स्तरावरील प्रेक्षकांसमोर सादर केल्या जाणार आहेत. त्याचप्रमाणे जागतिक पातळीवरही प्रदर्शित होणाऱ्या या चित्रपटादरम्यान काही आंतरराष्ट्रीय प्रेक्षकांनादेखील मराठमोळ्या वडापावचा आस्वाद घेता येणार असल्याचं समजतं.