बॉलिवूडमध्ये दीप-वीर, निक- प्रियांका यांच्या लग्नाच्या चर्चा रंगत असताना ‘ड्रामा क्वीन’ राखी सावंतनंही ती लग्न करणार असल्याचं जाहीर केलं आहे. राखीनं शाहरुख, सलमान बरोबरच पंतप्रधान नरेंद्र मोदी यांनाही लग्नाचं आमंत्रण दिलं आहे. प्रियांका चोप्रा आणि निक जोनास यांना मोदींनी सोशल मीडियाच्या माध्यमातून शुभेच्छा दिल्यानंतर त्या पोस्टवरच राखी सावंतनं मोदींना लग्नाचं आमंत्रण दिलं आहे.
नरेंद्र मोदींनी त्यांच्या इन्स्टाग्रामवरून निक आणि प्रियांकाला लग्नाच्या शुभेच्छा दिल्या होत्या. त्यावर निक आणि प्रियांकानं त्यांचे आभार मानले. त्यानंतर राखीनंही त्या पोस्टवर कमेंट करून ‘व्वा, मोदीजी माझ्या लग्नाला ३१ डिसेंबरला सध्यांकाळी ७वाजता या’ असं म्हणत त्यांना लग्नाचं निमंत्रण दिलं आहे.