‘मला तुरुंगात कोणी तरी मारण्याचा प्रयत्न केला असावा’, असा दावा करत जिवाच्या भीतीने व प्रकृती अस्वास्थ्यामुळे जामीन हवा आहे, असा अर्ज शीना बोरा हत्याकांडातील मुख्य आरोपी इंद्राणी मुखर्जीने केला आहे.
इंद्राणी या प्रकरणात ऑगस्ट २०१५पासून अटकेत असून तिला अद्याप नियमित जामीन मिळालेला नाही. केवळ एकदा वडिलांवरील अंत्यसंस्काराच्या वेळी तिला डिसेंबर-२०१६मध्ये तुरुंगाबाहेर जाण्याची परवानगी न्यायालयाने दिली होती.
‘एप्रिलमध्ये मला श्वासोच्छवासाचा त्रास झाला होता. त्यापूर्वी मला औषधांचा ओव्हरडोस झाला होता. अशाप्रकारे मला दोनवेळा रुग्णालयात दाखल व्हावे लागले. मला तुरुंगात कोणी तरी मारण्याचा प्रयत्न केला असावा’, अशी भीती इंद्राणीने मागील आठवड्यात दाखल केलेल्या अर्जात व्यक्त केली आहे. त्याला विरोध करणारे उत्तर सीबीआयकडून सोमवारी न्यायालयात दाखल केले जाण्याची शक्यता आहे.