काँग्रेस उपाध्यक्ष राहुल गांधी सोमवारपासून तीन दिवसांचा अमेठी मतदारसंघाचा दौरा करणार आहेत.
१९ मे रोजी राहुल गांधी कसारा गावात सार्वजनिक सभा घेतील. यावेळी ते खासदार निधीतून अमेठीमध्ये उभारण्यात आलेल्या प्रकल्पांचे उद्धाटन करणार असल्याची माहिती यूपीसीसीचे सरचिटणीस राजीव सिंग यांनी दिली.
या दौ-यादरम्यान राहुल अवकाळी पाऊस तसेच गारपिटीमुळे नुकसान झाल्याने आत्महत्या केलेल्या शेतक-यांच्या कुटुंबियांची भेट घेणार आहेत. त्यांच्याशी चर्चा करणार आहेत. तसेच अमेठीमधील फूड पार्क जेथे बनवले जाणार होते. तेथेही ते भेट देणार आहेत.
दोन महिन्यांच्या प्रदीर्घ रजेनंतर राहुल यांचा हा पहिलाच अमेठी दौरा आहे. गेल्या वर्षी डिसेंबरमध्ये त्यांनी अमेठीला भेट दिली होती.