‘ओएलएक्स’वर वाहनांच्या खरेदीच्या बहाणा करून चोरी करणाऱ्या आरोपीला स्थानिक गुन्हे शाखेच्या पथकाने जेरबंद केले आहे. अविनाश सहादू कर्डिले (वय २०, रा. केडगाव, नगर) असे पकडलेल्या आरोपीचे नाव आहे. दोन दिवसांपूर्वी ओएलएक्स वेबसाइट गाडी विक्रीला असल्याचे अविनाश कर्डिले याने पाहिले होते. नगरमधील डॉ. संदीप पाटील यांची ती गाडी होती. आरोपी कर्डिले याने पाटील यांच्या संपर्क केला होता. गाडीची टेस्ट घेत असताना कर्डिले हा गाडी घेऊन पसार झाला होता. याप्रकरणी गुन्हा दाखल झाल्यानंतर स्थानिक गुन्हे शाखेच्या पथकाने एमआयडीसी येथील सह्याद्री चौकात गाडीसह कर्डिले याला ताब्यात घेऊन चौकशी केली. त्याच्याकडून चोरीच्या दोन मोटारसायकली हस्तगत करण्यात आल्या आहे. आरोपीविरुद्ध तोफखाना, एमआयडीसी पोलिस स्टेशनमध्ये गाडी चोरीचे गुन्हे आहेत. त्याला तपासासाठी एमआयडीसी पोलिस स्टेशनच्या ताब्यात देण्यात आले आहे.