अंधेरी येथील गोखले पूल दुर्घटनेमध्ये गंभीररित्या जखमी झालेल्या ३५ वर्षीय अस्मिता काटकर यांच्या प्रकृतीमध्ये किंचित सुधारणा दिसत असल्याचे कूपर रुग्णालय प्रशासनाने स्पष्ट केले आहे.
मेंदूमध्ये अंतर्गत रक्तस्त्राव झाल्यामुळे त्यांच्यावर शस्त्रक्रिया करावी लागली, तसेच या दुर्घटनेमध्ये त्यांच्या हाताची धमनी जोडण्यासाठीही शस्त्रक्रिया करण्यात आली. त्यांना शरीरावर अनेक ठिकाणी फ्रॅक्चर्स होते. रुग्णालयात दाखल केले तेव्हा त्यांची अवस्था अतिशय गंभीर होती. पहिल्या टप्प्यांतील चोवीस तासांमध्ये तातडीने निर्णय घेऊन डॉक्टरांनी शस्त्रक्रिया केली. त्या अजून व्हेन्टिलेंटरवर आहेत. शस्त्रक्रियेनंतर त्यांच्या हातापायांची किंचित हालचाल होत असल्याचे रुग्णालयाचे अधिष्ठाता डॉ. गणेश शिंदे यांनी सांगितले. प्रकृती अजून पूर्णपणे स्थिर नसल्याचेही त्यांनी स्पष्ट केले