मध्य रेल्वे, पश्चिम, हार्बर मार्गावर उद्या, रविवारी, ८ जुलै रोजी सकाळी ११ ते दुपारी ४ पर्यंत मेगाब्लॉक चालणार आहे. मध्य रेल्वेवर विद्याविहार ते भायखळा धीम्या मार्गावर स. ११.२० ते दु. ४.२० पर्यंत मेगाब्लॉक चालणार आहे. या कालावधीत घाटकोपरहून सुटणाऱ्या सर्व धीम्या लोकल विद्याविहार ते भायखळा स्थानकामध्ये स. १०.५८ ते दु. ४.२४ पर्यंत जलद मार्गावर वळवण्यात येतील. या लोकल कुर्ला, सायन, माटुंगा, दादर, परळ येथे थांबवण्यात येतील. अप मार्गावर विद्याविहार, करी रोड, चिंचपोकळी स्थानकात लोकल थांबणार नाहीत. या स्थानकातील प्रवाशांना घाटकोपर, परळ स्थानकातून जाण्यास परवानगी देण्यात आली आहे.
सीएसएमटीहून सुटणाऱ्या सर्व जलद, अर्धजलद लोकल स. १०.१६ ते दु. २.५४ पर्यंत घाटकोपर, विक्रोळी, भांडुप, मुलुंड, दिवा स्थानकात थांबणार नाहीत. कल्याणहून सुटणाऱ्या सर्व जलद, अर्धजलद लोकल स. ११.०४ ते दु. ३.०६ पर्यंत दिवा, मुलुंड, भांडुप, विक्रोळी, घाटकोपर, कुर्ला स्थानकात थांबणार नाहीत. सीएसएमटीकडे ये-जा करणाऱ्या गाड्या सकाळी ११ ते सायंकाळी सहा पर्यंत किमान १० मिनिटे उशिराने धावतील.
हार्बर मार्गावर कुर्ला ते वाशी ब्लॉक
राममंदिर स्थानकात उद्या थांबा नाही
पश्चिम रेल्वेवर उद्या, रविवारी सांताक्रूझ आणि गोरेगावपर्यंत सकाळी १०.३५ ते दु. ३.३५ पर्यंत मेगाब्लॉक घेण्यात येणार आहे. या कालावधीत दोन्ही स्थानकातील धीम्या मार्गावरील लोकल जलद मार्गांवर चालवल्या जाणार आहेत. तसेच सर्व धीम्या लोकलना विलपार्ले येथे पाच आणि सहा क्रमांकाच्या प्लॅटफॉर्मवर दोनदा थांबे दिले जाणार आहे. तसेच, राममंदिर स्थानकात लोकल थांबणार नाहीत.